Tuladha Sesorah ing Adicara Halal Bi Halal
Assalamualaikum
warahmatullahi wabarakatuh
Ingkang
kinurmatan Ibu Dra. Budiastuti Sumaryanti minangka Pangarsa SMA Negeri 1
Purworejo
Ingkang kula kurmati
Bapak/Ibu Guru saha Karyawan/Karyawati
SMA Negeri 1 Purworejo
Para kanca siswa
ingkang kula tresnani
Langkung rumiyin mangga
kita sesarengan ngaturken raos puji syukur dhumateng Gusti Allah SWT. awit
rahmat lan hidayahipun ingkang kaparingaken dhumateng kita, saengga kita sedaya
saged pepanggihan wonten ing Masjid Bait Al-Hikmah SMA N 1 Purworejo kangge
rawuh wonten adicara HALAL BI HALAL ing siang punika kanti sehat wal afiyat.
Kaping kalihipun
mugi-mugi shalawat lan salam tansah konjuk dhumateng panjenenganipun junjungan kita
Nabi Agung Muhammad Saw. ingkang sampun mbeta kita saking zaman jahiliyah utawi
zaman kegelapan dumateng zaman ingkang terang benderang nggih punika agama Islam.
Bapak saha Ibu ingkang
kula kurmati,
Kula ngaturaken agunging panuwun dumateng para
rawuh ingkang sampun kepareng anglonggaraken wekdal sakperlu ngrawuhi wonten
ing adicara HALAL BI HALAL ing siang punika.
Ing wekdal punika
saderengipun kula nglajengaken atur, langkung prayogi menawi kula ngaturaken
Minal Aidzin wal faizin mohon maaf lahir dan batin. Sampun satunggal wulan kita
umat Islam sami nindakaken ngibadah siam. Kita saged ngraosaken kados pundi
raosipun mboten nedha saha ngunjuk sadangunipun satunggal dinten, saha saged nahan
hawa nepsu. Pramila kita saged ngraosaken kados pundi raosipun tiyang-tiyang
ingkang gesangipun tansah kekirangan. Pramila ing dinten ingkang fitri punika
Allah paring dawuh dhumateng umatipun supados ngedalaken zakat fitrah kangge
sederek-sederek kita ingkang kekirangan. Zakat fitrah ngresiki dosa kita
tumraping umat ingkang mampu. Mugi-mugi Gusti Allah kepareng anampi amal ibadah
punika, Amin….
Tembung Idhul Fitri
punika saking tembung Idhul saha Fitri. Idhul punika wangsul, saha Fitri utawi
Fitrah punika suci. Artosipun Idhul Fitri punika “wangsul suci”. maksudipun
sakpurnaning siam satunggal wulan, minangka rukun Islam ingkang sedah dipun
tindakaken, kita wangsul suci malih.
Kula minangka wakil
saking kanca-kanca SMA N 1 Purworejo menawi kathah sanget tandang tanduk, solah
tingkah, saha atur ingkang mboten ngremeni dhumateng Bapak saha Ibu Guru sedaya
ingkang dipun sengaja punapa dene ingkang mboten dipun sengaja, kula nyuwun
agunging pangapunten.
Mugi-mugi Gusti Allah
kersa maringi ngapura dhumateng kula panjenengan sekaliyan, lumantar ing dinten
ingkang fitri punika.
Ugi kula atas nami
kanca-kanca nyuwun do’a saha pangestu mugi siswa-siswi SMA N 1 Purworejo saged dados
Muda Ganesha ingkang sae ing pangajab saged migunani dhumateng diri pribadi
khususipun, ugi dhumateng masyarakat,
lumeberipun Nusa bangsa lan Agami.
Ibu, Bapak, para rawuh
ingkang kawula hormati,
Mekaten ingkang saged kula aturaken dhumateng
panjenegan sedaya. Kula minangka wakil saking kanca-kanca SMA Negeri 1
Purworejo menawi kathah kekirangan saha kalepatan kula nyuwun agunging
pangapunten. Mugi-mugi kita sedaya pinaringan berkah lan hidayah saking
ngarsanipun Allah SWT.Amin Ya Rabbal’alamin..
Taqabalallahu
minna wa mingkum, Jazakumullah khoiron katsiron, Bilahit taufiq wal hidayah,
Wasslamualaikum
warahmatullahi wabarakatuh
0 komentar:
Post a Comment